今日要講吓豆b, 佢已經完成咗整個抗生素療程喇! 不過我並唔覺佢鼻敏感有改善, 唯一分別係佢無再從鼻仔噴出血絲!
其實喺食藥期間, 我都預知呢個係無可能根治, 但諗唔到食住藥都無幫助, 咁就好有問題！
H醫生唔主張用太強抗敏感藥, 我當然同意, 但任憑佢咁乞嗤落去, 佢鼻膜點可能唔損?
我諗嚟諗去, 都係要試吓網友V推介嘅呢個方法, 就係用上天然草藥紫錐花! 網友有兩隻狗狗, 佢話食呢隻草本都有好嘅改善, 我相信天然材料, 唔會對佢有所危害, 不防一試!
網友叫我從少量開始, 等佢慢慢適應落嚟, 呢隻係非常溫和嘅草本, 希望呢個真係會幫到豆b啦!
幫助傷口癒合 減低過敏
改善呼吸系統 提高整體的免疫系統
幫你的狗適應紫錐花補充品, 開始用一個非常小 的份量之後每天增加劑量到適合用量.每一個月(三十日左右)後停止5至7天之後再開始次餵. 這可使 草本更有效.
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
