仁心仁術

豆b阿豆b, 我以後都唔敢幫你剪短嗰度D毛毛喇, sorry呀快D無事啦！



遇到一個好醫生, 真係天大嘅幸福!!!!!

整日觀察豆b, 佢雖然有好大進步, 但係佢都係忍尿, 所以我好擔心! 星期一嘅booking我去唔去好呢?

試下send個message去比Hsiang醫生, 詳細講比佢聽係乜嘢情形, 想聽吓佢意見; 佢真係好好好好人呀!! 佢即時解答我, 仲叫我唔駛擔心!


佢話如果皮膚無問題, 就等佢慢慢習慣, 佢遇過好多狗狗都會係咁, 其實唔算奇聞; 佢話唔駛帶佢去睇啦, 先觀察吓, 呢D情況見佢都無用!

佢叫我盡量比佢飲多D水, 忍尿最容易有膀胱炎同膀胱石, 要減低呢個風險, 喺呢段期間要餵佢多飲水; 我又驚佢唔屙尿而猛餵水佢會爆膀胱喎, Hsiang醫生仲笑我~~
佢話邊有咁容易爆啦, 如果係咁D職業司機成日忍尿都死得七七八八喇, 佢話急到忍唔住就自然會屙, 叫我放鬆D啦!

同Hsiang醫生傾完安樂晒, Hsiang醫生真係好好人, 唔會不問情由一於叫你帶比佢睇吓, 總之收咗你診症費, 都係銀紙最親!

我真係好慶幸遇到一個咁好嘅醫生, 願意無條件平息我嘅疑慮, 除咗詳盡解答仲會叫我唔駛擔心, 仁心仁術佢真係當之無愧, 好心一定有好報, 祝願佢每日都有好事降臨!　

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！