 |
| 當日喺寵物店影嘅-就係呢隻B喇 |
2006年, 嗰一年冬至! 我同女女正在逛街,手機突然嚮起~~
阿Y話有隻狗狗拎咗落鋪度, 叫我過去睇吓; 我問佢狗狗幾大喇, 佢答三個月大!!
唔係話唔要BB嘅咩? 無所謂啦, 反正喺附近, 就同阿女行過去!
去到見到狗籠裏面有一隻毛色黑黑, 好似手掌咁大嘅狗狗, 喺度兩頭跳! 阿Y抱佢出嚟, 比阿女抱住! 我諗愛狗狗嘅, 真係好難去抗拒一隻BB!!!
抱住隻B, 真係唔捨得再放低, 急call老公落嚟, 睇吓係咪意見一致, 決定就係佢, 要帶佢番屋企! 其實叫老公嚟真係有D多餘, 佢見到乜嘢狗狗都鍾意㗎啦!
我都有擔心唔識照顧呢D咁迷你嘅品種, 始終叻叻番嚟嘅時候已經11個月大, 係過咗呢個BB嘅階段喇!
但呢D就係緣份, 足以叫你勇於排除萬難, 我哋已經比呢隻豬仔俘虜咗個心喇!
呢隻小狗長大後會係乜嘢毛色? 會唔會似叻叻?我哋唔知; 樣貌呢, 就真係無一D相似!
儘管如此, 呢隻小東西就有能力將我哋嘅心緊緊扣住, 使我哋唔再放低佢, 即日抱咗佢番屋企!多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
 |
| 睇下隻奀皮豬豬 |
 |
| 佢真係超貪玩嘅 |
