安安嘅到來, 的確令寂靜已久嘅屋企帶嚟生氣, 而小安安經過大病一場, 仲要特別小心調理, 因為佢嘅腸胃非常敏感, 好容易出現疴嘔嘅情況, 無論食物, 天氣嘅轉變, 都會引起佢病發, 最慘嘅係一D好難避開嘅聲音, 好似屋企吸塵機聲、 鄰居裝修電鑽響、甚至打雷等等, 都無一倖免, 會嚇到佢全身震晒, 跟住就肚疴嘔起嚟.
日子就喺佢反覆病發咁渡過, 而安安亦一日一日長大, 期間都睇過好幾次醫生, 還好係獸醫話無太大傷害, 配定D平安藥, 一D活性炭之類嘅藥物, 有需要就餵佢, 主要都係調理番為主, 無抗生素等等. 當然見到有乜唔妥, 唔似係平常疴嘔, 就免不了又去搵醫生. 相對嚟講, 揍bebe係輕鬆太多喇!
由於我同老公都要返工, 女女又要返學, 雖然婆婆會過嚟睇佢, 但都係覺得佢好寂寞,有需要搵個同類陪吓佢; 最後我哋決定先開始物識, 等到佢一歲, 就搵個玩伴比佢!!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
