大個仔喇!

ball ball, happy birthday!!

時間過得好快, 波波大個仔喇;  果日同佢訂咗個蛋糕, 等佢同其他三隻狗狗一齊慶祝佢嘅一歲生日!

波波, 媽媽只希望你身體健康!

大個仔喇, 婆婆比封利士你, 希望你日日都過得開開心心!

喺呢段日子以來, 波波都有定期咁去驗血, 去追蹤佢嘅肝酵素情況, 雖然報告唔算係好穩定, 有時都會偏高, 但總算唔係

太嚇人嘅數據; 因為佢嘅身體咁樣, 我會不自覺對佢多加保護, 各樣嘢都加倍小心, 朋友覺得我有少許到咗吹毛求疵嘅地步.希望日後我可以學習到點去放鬆, 一切處之泰然!

第一次帶波波去美容, 係生日後兩個月, 美容後嘅波波毛毛剪得圓圓, 真係名乎其實嘅波波豬.
我隻甩毛嘅醜小鴨, 漸漸變成天鵝喇!

 

 
自此, 每次美容後都會帶佢去探下朋友, 等佢可以有少少社交生活, 回家後, 無我地嘅貼身看守, 佢一樣要困回圍欄內, 我哋只放心比安安陪佢玩, 唔知要再等幾耐, 樂樂先唔再係佢嘅一個威脅!

波波仍要被分隔於圍欄內

只有性格善良嘅安安可以陪伴波波                                 但畢竟進入老年, 容易疲倦

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！