bebe離開後, 屋企頓時靜晒落嚟, 比我哋一種好空洞嘅感覺, 人嘅心靈就更覺得空虛!
我哋一直都係bebe嘅頸帶上綁上一個小鈴瑯, 佢跑動嘅時候鈴瑯就會響起, 但可怕嘅係佢走咗之後, 好多時我哋都幻覺咁聽到嗰種鈴聲, 我想我哋係太掛念佢喇, 而經過咗十年, 真係太唔習慣無咗狗狗嘅生活!
經過咗半年嘅療傷期, 我哋終於衝破一直壓抑住, 成日環繞喺腦中嘅願望, 我哋要再帶一隻狗狗番屋企~~
1995年嘅聖誕節, 喺買bebe嘅同一間寵物店, 帶咗兩個幾月大嘅安安番嚟 .
安安比bebe幸運嘅係, 我再唔怕狗狗喇, 係bebe前半生所無嘅, 我都補償喺小安安身上~~
買靚靚床仔, 玩具, 衫仔, 鞋仔.......
但小安安可能太細, 身體太弱, 返屋企一日後就病咗 :(
佢食唔到嘢仲不斷咁嘔~~ 於是我哋送咗佢去吊鹽水留醫,
曾經一度我哋以為將要失去佢!
其實寵物店有叫過我哋放棄, 亦願意比另一隻狗狗交換,
尤幸我哋堅持, 終於小安安贏咗呢一仗, 我哋一個月後可以從醫生處帶佢返屋企喇!!
 |
| 小安安係幾咁可愛, 叫我哋點可以放手呢! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
