回想返起養第一隻狗狗, 我連狗狗係乜嘢品種都未識!!
果年, 從寵物店抱住狗狗回家, 老公同女女都好興奮, 我雖然見到小狗係好可愛, 但事實上心情就七上八落, 一方面女女仲細, 怕自己要照顧女女, 又要照顧狗狗會攪唔掂, 畢竟養狗係我諗都未諗過嘅, 而最最大嘅問題係我仍未克服”怕狗”呢個關口!
但見到小狗咁可愛, 老公同女女又咁開心, 我就勉強接受落嚟, 不過當時狗狗要困於圍攔內, 要等老公放工返嚟, 先可以放出嚟自由行同女女玩. 而我喺果個時段係唔敢落地嘅, 因為我怕狗狗行埋我身邊!
日子一日一日過去, 我已經忘記咗幾時開始, 狗狗唔駛再困住, 係幾時開始, 接受到狗狗通屋走同女女追逐嬉戲, 又由幾時開始我竟然敢抱佢...... 到愛佢…
懷念我嘅第一隻寶貝松鼠狗, bebe, 陪伴咗我哋整整10年!
 |
| Love you forever, BeBe!! |
喺佢在世嘅日子, 佢好少病, 直到佢9歲, 有一日佢突然抽筋,
我真係無諗過狗狗抽筋會係咁可怕! 手忙腳亂急急帶佢去睇獸醫, 被診斷為心臟病!
獸醫叫我哋唔可以比佢有劇烈運動, 由果日開始, 佢要長期服幾種心臟藥!
服藥後嘅bebe明顯精神差咗, 瞓多咗! 但總算控制住個病少咗抽筋. 我哋都好明白生老病死係必經階段, 亦做好心理準備佢唔會陪我地太耐!
大概過左一年後, 佢情況開始變壞, 果段時間, 佢要密密見醫生! 醫生叫我哋有心理準備, 藥物再幫唔到佢好多喇! 我同醫生講食藥咁慢, 不如幫佢打針啦, 希望吸收好d, 但醫生話無用架, 幫到嘅話佢都做咗啦, 佢係器官衰竭, 無可能好番架喇!
懷住沉重嘅心情, 就抱住佢番屋企!
我哋決定喺佢最辛苦嘅時候, 就帶佢去醫生處, 等佢解除痛苦!
懷住沉重嘅心情, 就抱住佢番屋企!
我哋決定喺佢最辛苦嘅時候, 就帶佢去醫生處, 等佢解除痛苦!
果日, 我哋做咗一個盒, 鋪好軟墊, 好似一張床仔, 放咗佢落去….
但係, 我哋未踏入電梯大家都哭了!! 我哋真係唔捨得, 於是抱住佢往家裏回頭走~~
果日開始, 我哋一家人通宵輪班抱住佢, 因為將佢放平, 佢喘得好厲害, 抱住佢會好好多, 就係咁通宵達旦過咗兩日, 佢喺我哋陪伴下, 呼出最後一口氣, 永遠離開我哋!!
好難忘記嗰種心痛, 失去心愛嘅狗狗, 仲要見到女女失去兒時一直陪伴嘅玩伴, 佢嗰種竭嘶抵理嘅傷心, 令到身為人母嘅我, 倍覺傷痛!!
經過呢個可怕嘅經歷, 我哋決定, 今後不再養狗狗了!!!!
-tile.jpg)
 |
| 2012年5月, 親手做咗紀念bebe嘅羊毛氈公仔! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
