有緣無份

老公抱住佢， 但始終欠咗少少緣份

緣份要嚟, 係擋都擋唔住, 正如我遇到叻叻, 一見鍾情; 反之, 急都無用, 所以要搵一隻狗狗呢件事, 我都順其自然!

有一日食完午飯, 我又行過去諗住同阿Y閒聊一吓, 點知佢話都剛想call我, 有一隻大概20個月大嘅松松, breeder可以割愛! 佢話無所謂嘅, 可以睇睇先, 睇吓大家夾唔夾啦! 約好咗時間, 我就同老公落去睇狗狗!

見到嘅係一隻比叻叻毛色稍淺, 身形亦比叻叻稍大嘅狗狗, 無疑佢都係一隻質素好好嘅狗狗.

老公抱住佢已經好似抱住個仔咁, 猛問狗狗鍾唔鍾意跟我哋返屋企, 真係比佢激死!

不過我就無好似當初見到叻叻, 果種強烈想抱走佢嘅感覺, 由於當時阿女唔喺香港, 我哋約好等阿女番嚟再落去見佢一次!

第二次再同阿女落去睇佢, 我都係無可無不可咁, 最後, 我哋無帶走佢!
可能同佢緣份淺薄, 亦不諱言價錢亦係一個關鍵嘅問題!  

但主要係對我嚟講, 佢嘅吸引力不及叻叻, 無足以令我有果個衝動, 會不顧一切咁想留佢喺身邊!

最後, 我地都係同呢隻小狗有緣相遇, 無緣相守!




多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！