熊仔狗

呢隻係阿Y嘅熊仔狗

隨住日子嘅過去, 搵複制"叻叻"呢件事都耽擱落嚟! 可能阿Y見我都唔係好著意, 佢都無咁著意去幫我留心啦! 不過我就多咗行過去寵物店串門子.
 

直到有一日, 竟然喺果度比我見到一隻同叻叻好相似嘅狗狗, 佢嘅毛色同身形大細都同叻叻有95%相似, 雖然樣貌係有所不同, 但都係我好鍾意嘅"熊仔"樣! 

不過呢隻"熊仔"係阿Y自己嘅狗狗, 佢係唔會割愛嘅.  而且我想要嘅係一歲左右嘅狗狗, 咁又真係有D難度, 正如佢所講, 高質素嘅bb唔會留喺度咁耐, 剩低嘅, 靚果D 都係自己刻意留低, 再有嘅就係一d唔乎合我要求嘅狗狗啦! 

呢一個相遇, 就撩起我心中果一團火! 我同阿Y講, 原來真係有好似叻叻咁嘅狗狗, 請佢今次真係同我認真咁留意!

而今次返屋企後, 我有認真咁同老公, 女女提起, 當然佢哋都係無異議啦! 都唔知幾時開始, 我哋一家人已經變左愛狗如命嘅狗奴材lu~~

離開前數月嘅叻叻, 雖病重但無損其可愛嘅"熊仔"樣

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！