叻叻係第二隻離開我嘅狗狗, "2006年"嗰年佢十歲!
叻叻係一隻人見人愛嘅小寶貝, 為咗佢, 我不惜擔起養住4隻狗狗嘅責任, 當時我只係養過bebe,仲係胡里胡塗, 無一D基本嘅概念, 點去養狗狗!
我唔否認對叻叻, 我係特別偏心, 除咗佢外貌精靈可愛, 仲有係佢嘅性格~
雖然佢係男仔, 但佢真係好嗲, 每行一步, 我都會見到佢跟喺我腳邊, 佢真係好乖, 好有性~~
4隻狗狗裏面, 佢同樂樂最friend, 佢哋一齊食, 一齊瞓, 相反安安同精精比較投緣, 好多時見到佢哋自動分為兩組!
喺養叻叻最初嘅幾年, 真係好開心, 幾隻寶貝帶比我哋一家唔少歡笑, 雖然有時難免有小病痛, 但都係一D小毛病!
 |
| 善解人意嘅叻叻 |
 |
| 同樂樂最老友, 青梅竹馬 |
 |
| 毛毛豐厚嘅叻叻 |
 |
| 毛毛明顯變薄 |
喺叻叻六歲果年, 發覺佢嚴重甩毛, 雖然表面嚟睇佢都仲係好厚毛, 但無人會比我更清楚, 同之前比較起嚟, 佢嘅毛係薄咗好多喇! 我有帶佢去睇醫生, 但醫生話唔覺佢出問題, 咁我哋都好安心, 諗住佢係正常換毛期!
但原來實情並唔係咁, 佢甩毛情況日趨嚴重, 於是決定轉個醫生搵出係咩問題! 點知佢真係有病, 喺血檢之下, 發覺佢甲狀腺素低下, 要服藥補充!
本來呢個都唔係乜嘢大病, 但唔知係幾年前醫學無咁先進, 還是我睇嘅醫生問題(不過老實講, 醫生態度良好, 睇得出佢好用心醫叻叻喇)
本來呢個都唔係乜嘢大病, 但唔知係幾年前醫學無咁先進, 還是我睇嘅醫生問題(不過老實講, 醫生態度良好, 睇得出佢好用心醫叻叻喇)
總之, 總係調較唔到合適嘅藥份, 每次驗血都好飄忽, 時高時低! 一日未搵到正確嘅藥份, 叻叻就要密密咁返去抽血!
而期間, 佢已掉光佢豐厚嘅毛毛!
而期間, 佢已掉光佢豐厚嘅毛毛!
 |
 |
可憐叻叻掉光佢豐厚嘅披毛
|
真係好心痛, 叻叻初期抽血係好合作嘅, 但每兩星期都要去見醫生, 佢變得好抗拒, 佢見到醫生就想走, 當時醫生要喺佢條頸度抽血, 見到每次醫生將佢個頭拗後, 而佢不斷咁掙札, 我個心就勁痛, 仲要番到屋企, 見到佢整個胸口都瘀紅色, 真係又驚又心傷!
頭嗰一次我係驚到即刻帶佢返去診所, 不過醫生話佢咁緊張掙札係會咁樣, 叫我唔駛擔心, 過幾日會退去.
唉! 兩星期過去, D瘀痕未退晒, 又要返去再抽血喇, 可憐嘅叻叻, 可憐嘅我!!!
唉! 兩星期過去, D瘀痕未退晒, 又要返去再抽血喇, 可憐嘅叻叻, 可憐嘅我!!!
終於, 調較好藥份, 以為可以鬆一口氣, 唔駛咁密去見醫生喇, 點知有一晚, 佢突然抽筋~~
嗰時係半夜, 又唔識有24小時嘅診所, 打番去醫生嘅急診電話又無人聽, 真係急到我除咗識喊, 都唔知點算好喇!
喺冷靜落嚟, 諗起一個朋友嘅朋友係獸醫, 都算係認識, 有交換過電話, 唔理係半夜3點幾, 都打去求救, 佢好好人教我搵一隻藥, 磨粉加水打入肛門, 等佢停止再抽筋, 明天一早就帶佢去比醫生睇~~
但....去邊度搵呢隻藥呢? 老公諗起附近有人嘅24小時診所, 於是即刻跑去, 好艱難先配到呢粒藥, 原來呢隻係被訂明"被管制藥物", 醫生唔肯比!
老公話佢求咗好耐唔肯走, 話救命嘅, 只要一粒, 最後醫生見佢咁慘, 求咗咁耐, 就賣咗一粒比佢, 名義上係當老公去求診.
叻叻用藥後無再病發, 咁翌日一早抱佢去見醫生, 喺的士途中佢又開始抽筋!!
快步上到診所, 醫生都跑出嚟接住佢立刻同佢急救!
老公話佢求咗好耐唔肯走, 話救命嘅, 只要一粒, 最後醫生見佢咁慘, 求咗咁耐, 就賣咗一粒比佢, 名義上係當老公去求診.
叻叻用藥後無再病發, 咁翌日一早抱佢去見醫生, 喺的士途中佢又開始抽筋!!
快步上到診所, 醫生都跑出嚟接住佢立刻同佢急救!
狗狗抽筋真係好可怕, 尤其係唔知乜嘢病, 見到叻叻喺醫生檯上抽到典吓典吓, 幾個醫護人員又打針, 又吊水, 又抽血, 忙忙亂亂咁跑出跑入, 真係嚇到我六神無主!
最後, 叻叻要留院!
之後, 佢要加埋食抽筋藥喇!
幾年裏面, 好幸運都無病發過, 就只係定期覆診驗血, 食藥!!
最後, 叻叻要留院!
之後, 佢要加埋食抽筋藥喇!
幾年裏面, 好幸運都無病發過, 就只係定期覆診驗血, 食藥!!
好景不常, 喺一次常規驗血中發覺叻叻肝酵素超高, 而心臟仲有雜聲, 醫生話肝嘅問題係抽筋藥引起, 於是換藥, 再開始食心臟藥!
但食咗藥嘅叻叻無預期好轉, 情況仲轉壞, 帶佢見醫生, 竟然又發覺佢有脫水情況, 但最壞嘅係伴隨住肺積水!
醫生話兩難, 吊水會令佢肺積水轉差, 唔吊又解決唔到脫水問題, 最後, 醫生決定同佢打皮下水!
但話佢嘅情況並唔樂觀, 比咗24小時診所地址我, 有問題要即刻同佢去!
醫生話兩難, 吊水會令佢肺積水轉差, 唔吊又解決唔到脫水問題, 最後, 醫生決定同佢打皮下水!
但話佢嘅情況並唔樂觀, 比咗24小時診所地址我, 有問題要即刻同佢去!
只係過咗幾日, 深夜時份叻叻又抽筋喇, 跟住仲休克咗, 我同老公即刻飛的去24小診所!
嗰度比我一個好唔愉快嘅經歷!
嗰一晚去到, 二話不說先留低掛號費$1200, ok, 無異議！
叻叻嗰時又抽到失晒禁喇, 等到見到個鬼佬醫生啦, 佢就喺度講要驗乜驗物, 我叫佢哋快D先幫佢啦,上次叻叻係咁我帶佢去睇開嘅醫
點知隻衰鬼仲發脾氣
我問咁點呀, D助手話得架喇一陣會落藥, 叫我走先, 唔係見住我佢仲刺激透唔到氣!
第日想去接番佢出嚟, 去跟開嘅醫生度睇, 佢話叻叻肺積水, 要同佢去水同埋唔可以離開個氧氣箱, 咁我唔敢接佢出去; 過咗一日先接佢走, 點知原來果次就害死佢!
睇開嗰個醫生話叻叻用過強去水藥, 傷咗腎變咗腎衰竭, 佢得1.6kg用藥要好小心, 一切都太遲喇!!!
醫生叫我比佢走啦, 噢! 天!!!
望住叻叻, 佢眼神對我好依戀, 我真係唔可以放開佢, 同老公商量後, 決定盡最後努力, 帶佢去睇中醫! 每兩日跑一轉中醫診所, 回家小心箋藥, 一包藥小心煲埋20CC, 又怕乾水, 一步都唔敢行開, 唯一希望可以救番佢!
叻叻真係好乖, 佢知道媽媽唔捨得佢, 當時佢已經食唔到嘢, 要用針筒餵營養糊, 但苦茶再苦, 佢都乖乖咁飲落去!
曾經一度我以為佢有好轉架!!
叻叻真係好乖, 佢知道媽媽唔捨得佢, 當時佢已經食唔到嘢, 要用針筒餵營養糊, 但苦茶再苦, 佢都乖乖咁飲落去!
曾經一度我以為佢有好轉架!!
當時女女喺美國讀書, 喺佢放暑假番嚟嗰日, 我抱住叻叻餵完苦茶後, 佢喺我懷中離去!
原來佢一直撐住, 係想見女女一面!!
狗狗真係好有靈性!
原來佢一直撐住, 係想見女女一面!!
狗狗真係好有靈性!
叻叻死後, 我真係傷心咗好長嘅一段日子, 每日晚飯時候, 想起以前叻叻一定坐喺旁邊等我, 眼淚就一滴滴咁滴落檯面!!
 |
| 叻叻, 你安好嗎? |
 |
| ２０１２年做嘅羊毛氈叻叻 |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
