今次呢個餸用料非常簡單, 做法亦相當容易, 其實我整比狗狗食嘅嘢用料都不外乎果幾樣嘢, 只係配答方面稍為改動吧. 我唔識太多食物嘅煮法, 但求方便簡單容易做, 當然最主要係營養豐富啦!
材料:
龍利魚: 含有不飽和脂肪酸, omega 3 及DHA, 能抑制眼睛裏的自由基, 防止新血管的形成, 降低晶體發炎的機會. 更能鞏固細胞膜，有助肌肉和骨骼的健康，增強身體免疫力，有抗癌功效及能降低體內壞膽固醇的數量.
雞蛋: 源自動物的蛋白質含量極高, 屬優質蛋白, 包含身體所需的胺基酸. 雞蛋含有卵黄素、卵磷脂及多種重要的營養素(維他命A, B2, 膽鹼 , 類胡蘿蔔素 ) , 礦物質(铁、钙、钾)和微量元素. 其蛋白質對肝臟組織損傷有修復作用, 蛋黄中的卵磷脂可促進肝细胞的再生.
做法: 先將龍利柳蒸熟, 然後準備好油鑊, (我自己多數用椰子油或橄欖油比狗狗)將雞蛋打勻落鑊煎成蛋皮, 放涼後捲入龍利柳, 再加少量雜菜即成.雜菜無須指定種類嘅, 屋企有乜就比乜啦, 但緊記一定要肯定對狗狗無害, 仲有餵嘅時候將食物晾凍及切碎呀~~
