開檔大吉

開檔喇! 潮流興起寫blog, 等我都要跟上步伐, 開始我第一篇嘅微博~

我想要我寫一點東西的話, 一定離唔開”狗狗”呢個話題.
寫blog, 倒不如話我想將同狗狗一齊生活嘅點滴, 去做一個記錄,來得貼切!

的確, 養咗幾隻寶貝之後, 佢哋已經無聲無息, 甚至無形咁控制咗我嘅生活!

真係好奇怪, 以前嘅我係超怕呢種小動物, 無論大狗細狗,

總之老遠見到狗呢種物體, 我就好自然緊緊咁拉扯住神經線, 
係怕得要命!!

真係萬萬想唔到, 會演變至今日, 我愛狗狗嘅程度,  
可以嚴重d講句, 無咗佢哋, 我嘅人生將不再完滿! 

 

呢幾隻豬仔, 真係我嘅心肝, 又因為有咗呢幾隻豬仔, 同老公多咗話題,

喺愛錫佢哋嘅層面上, 我哋從來無過異議, 喺我哋最有共同方向嘅一環,

反而阿女會偶有微言, 話父母錫呢幾隻另類仔女, 多過錫佢呢個獨生女……^o^!!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！