用滴頸藥有疑問

要剃晒肚仔毛照超聲波

終於夠期帶波波去驗血同照超聲波喇, 今次除咗照肝, 都一併照埋其他器官, (膽, 脾, 腎, 胰, 膀胱) 務求搵出個究竟!
驗血結果酵素比起上次已回落, 但比正常仍然偏高, 超聲波嘅檢查就顯示波波嘅肝細胞無被傷害, 屬於正常, 但佢要繼續食一個月藥. 而其他器官係健康嘅, 謝謝天！！

究竟係乜嘢原因導至波波肝酵素高呢? 佢又唔係先天性肝臟有事? 今次, 獸醫話有理由相信波波係對隻滴頸藥敏感, 因為呢隻藥係入血嘅, 會影嚮到個肝, 叫我唔好再用呢隻藥!!
 

波波由三個幾月就開始用呢隻藥, 而用前問過醫生, 都話好安全, 兩個月大就可以用喇!  點知六個幾月就發覺佢嘅肝酵素超高, 同佢睇過3個醫生, 亦有話比醫生知佢有用呢隻藥, 但無一個醫生有懷疑, 個個都話隻藥好安全, 唔關事!!

直到依家先話有可能係呢隻藥唔啱佢, 白白毒害咗佢年幾, 真係心痛!

之後上網睇過有關呢隻藥嘅資料, 外國有2隻狗狗滴藥後死亡, 而有一隻4歲嘅松松亦係肝酵素標高. （同今次波波嘅case一樣，佢哋都係搵唔到確實証據証明到係呢隻藥影嚮，都係排除咗其他可能性而有理由相信呢個論點）

再去睇番隻藥嘅官方網站, 雖然睇到最細劑量係比體重up to 2.5kg嘅貓狗, 但佢都有注明, 不適合太瘦小嘅動物．

波波開始用果時三個月大, 得0.5kg, 對佢黎講, 藥力屬太強喇, 根本唔適合; 我真係錯, 太相信獸醫!!!!! 

我喺依度講並唔係話呢隻藥唔好, 每一隻狗狗體重, 體質都唔同, Ａ合用Ｂ未必適合, 滴頸藥係需要進入血液, 對肝同腎係會有一定影嚮嘅！

除左諮詢獸醫嘅意見, 自己都要做下research 再權衡輕重, 咁會安全好多！

有過呢個經歷, 我對所有防虱, 防蜱等嘅化學物品都敬而遠之,喺我嘅狗狗身上, 再唔敢用喇！！

　 

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！