進入咗數碼時代真係好, 用數碼相機影幾多都無問題, 唔似得菲林時代, 要將相片打印出嚟先知效果; 而且又要菲林又要沖印, 花費頗大, 所以早期養嘅狗狗相片不多!
波波係繼安安後從BB期親手揍大嘅狗狗, 我好想將佢成長期每個珍貴時刻拍攝落嚟! 好遺憾手上除左有少量安安嘅BB相, 其他幾隻我都見唔到佢地嘅BB期!
好快到咗聖誕, 跟住就過年喇! 呢次係波波第二年同我哋一齊過節, 我同佢影咗好多相!
 |
| 2008農曆鼠年 |
果日帶波波做絕育, 一併洗牙打晶片, 絕育前當然又先驗血, 確保安全, 點知發覺佢嘅肝酵素又偏高, 好彩唔係好嚴重, 醫生話可以進行手術. 本來男仔做呢種手術好簡單, 但波波係隱睾丸, 佢要開肚仔呀! 呢個仔真係受好多苦咁嘅, 我一定要錫佢多D!!
到咗下午, 去接番佢, 除咗累D外, 一切安好!
醫生話佢肝酵素咁唔穩定, 食一個月藥後最好同佢照一次超聲波, 睇清楚佢既肝臟有無損壞.
唉! 真係擔心!!!
 |
| 帶住頭罩又困籠,無晒心機! 還好精神尚可 |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
