波波續漸長大, 對於長期將佢分隔開係無可能嘅, 亦都對佢極不公平, 所以只要我地喺屋企睇住, 都盡量放佢出嚟, 等佢可以自由咁行吓!
 |
| 媽媽, 放我出去啦, 我唔要困住呀! |
 |
| 佢都唔怕行近精精 |
不過, 佢對樂樂事件好有陰影, 多數都只係行近安安, 而精精當年已經年近13歲, 有咗個心臟病後, 精神好差, 對波波都無遐過問喇!
 |
| 安安最錫細佬 |
其實, 無論安安, 樂樂同精精, 都無可能有咁嘅精力陪波波玩耍喇! 相距咗十年多, 唔係一個短日子, 佢地身體嘅狀況係垮越左一條洪溝! 波波就整天蹦蹦跳, 而三隻老人家就整日窩係床上!
-horz.jpg) |
| 好乖仔嘅安安 兩隻女女精精&樂樂 |
唔可以比波波整日纏住安安, 消耗佢太多體力, 而且年前安安發覺頸椎有骨刺, 亦都唔可以有太大動作, 有時見波波扯住安安, 都會擔心整傷安安!
樂樂嘛, 都習慣咗呢個細佬, 只要唔行近佢, 都唔會有事, 而且波波都熟識咗佢個性, 再唔敢行近佢.
精精係最年老嘅, 雖然佢同安安, 樂樂同年, 但佢哋係一個年頭, 一個年尾, 年紀都相隔咗整年; 況且佢有病, 所以最不愛走動, 食藥後除咗食, 就係瞓, 其他嘢都唔會過問.
呢個係一個大難題, 都係怪我一開始無詳細考慮, 就茂然帶咗隻豬仔番嚟, 依家點收科呢?!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
