果年嘅冬天好似過得特別快, 可能自己比較忙吧, 因為打算過咗年後搬屋, 有好多嘢要作安排!
搬屋真係一件麻煩事, 唔講其他, 淨係決定乜嘢要丟, 乜嘢保留, 都諗到頭都大埋!
雖然係忙, 但我都抽時間同兩隻豬仔影咗幾次相! 有如所有BB一樣, 我哋要留住佢哋最趣緻嘅時刻, 都只可以影多D相. 一貶眼間佢哋就已長大, 而狗狗嘅黃金時間就更為短暫喇!
跟住, 就到農曆虎年喇! 影過年相係我嘅大project, 我又要大費周張, 搵道具佈景喇; 不過, 呢樣係我忙得最開心嘅!
安安樂樂年紀大喇, 唔想太勞累佢哋, 佢哋亦唔習慣影相, 所以只係做個紀念算喇!
兩隻細豬豬久經訓練, 我一拎起相機佢哋就識乖乖配合, 坐定定咁任影唔嬲哪!
 |
| 相片連結 |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
