同"病"相憐 (w/album)

相片連結

波波甲狀腺素低下, 服藥已足一過月喇, 今日要再帶佢番去覆診驗血, 希望佢好似達達咁, 服藥後升番到正常水平啦!

因為豆豆係波波同胎姐姐, 我為咗安全起見, 雖然未見到佢有任何明顯病徵, 都決定帶佢做個檢查,  但求心安啦! 豆B先入診症室, 佢抽血好合作, 好乖!

H醫生話佢氣管同關節頗弱, 呢D係松鼠狗常有病徵, 我唔覺得意外! 反正天氣凍時同佢著番件衫, 小心保暖就ok喇; 至於關節問題, H醫生話佢體型keep得好fit, 唔再加磅就無事喇, 仲叫我教佢點keep fit添, 哈哈!

不過H醫生同佢聽完心肺, 話發覺佢有輕微心律不正, 我已經知道可能佢都有甲低, 所以會有影嚮!

等咗40分鐘左右, 兩隻豬仔嘅報告都出咗喇!

波波服藥後甲狀腺素回復正常水平喇; 咁同達達一樣, 定期驗血, 監察住佢嘅藥份喺正確水平, 就無問題喇!

至於豆B, 不出我所料, 佢都係甲低, 仲係三個裏面最低果個! 佢完全無病徵, 真係好難置信佢有事; 如果唔係波波嘅關係, 都唔會喺呢個方向去諗! 

可能係咁, 都已經輕微影嚮咗佢身體狀況! 因為仲有其他幾項血檢嘅報告都係在正常水平裏, 偏向低果面!

下個月要再同佢覆診抽血, 希望佢同波波, 達達一樣, 對隻藥有良好反應,  好快回復健康啦!

就等我嚟照顧豆B啦, 反正呢D我經驗豐富, 再無難度; 相信我會將佢哋三個都照顧得好好! ^~^

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！