好心做壞事

唔經唔覺朋友仔住喺我屋企都有一個月喇, 佢適應晒我屋企嘅生活模式,同波波亦越嚟越合拍!

睇吓佢哋幾恩愛!

set咗條隧道比佢哋跑, 玩捉迷藏

圍欄外年老狗狗唔駛被騷擾

 為咗佢哋有多D空間, 我買咗一個大嘅圍欄比佢哋; 有時會放埋安安落去, 同佢哋一齊玩, 我哋喺度嘅時候, 就會比佢哋出嚟自由行!

朋友仔都喺我度住咗咁耐, 係時候送佢番去喇; 朋友們都覺得依家分開佢哋, 對佢哋兩個都好唔公平, 狗狗完全唔知發生咗乜嘢事, 點解一下子唔見咗個伴侶? 

我都有諗過波波唔見咗朋友仔會唔開心, 但係我都一樣擔心朋友仔番咗去之後會好唔習慣, 但佢始終都係人哋嘅狗狗…. 

唉! 當初無諗過會咁, 一心想波波開心, 點知依家將要令兩隻狗狗唔開心, 我真係好心做壞事!

於是, 我嘗試同阿Y 商量, 請佢割愛, 讓咗朋友仔比我!

終於, 喺波波兩歲生日前一日, 朋友仔正式成為我家嘅狗狗, 佢就係達達喇! 

呢對寶貝, 十足當年嘅叻叻同樂樂,
不過, 佢哋相親相愛嘅程度, 真係有過之而無不及!

當日嘅叻叻&樂樂

今日嘅波波&達達   

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！