養咗波波之後, 參加咗好些狗狗網站, 呢D係一個好好嘅平台比我哋養狗狗嘅人交流吓心得! 我養嘅係松松,好自然就參加一D純松鼠狗嘅網站!
係"香港松鼠狗會" 網上, 我認識咗好些網友, 其中包括波波同胎姐姐嘅媽媽S, 喺佢度我知道波波原本叫做綠豆, 而姐姐就係紅豆喇! 最開心嘅係S比咗好珍貴嘅相片我, 就係呢對twinsBB時期嘅照片喇!
 |
| 姐姐紅豆(豆b) |
 |
| 細佬綠豆(波波) |
 |
| TWINS |
雖然狗會都會攪一D聚會, 但係我從無參加過, 一來佢哋選嘅地點對我嚟講真係太遠喇, 所有適合狗狗玩耍嘅地方都好似集中晒係新界地區, 對居於港島嘅我, 真係望而卻步!
而最最主要嘅原因係, 波波係不設防嘅, 我唔會冒呢個險帶佢出去, 因為玩樂, 而不幸惹到牛蜱熱果D防不勝防嘅病, 如果真係萬一有乜閃失, 佢嘅肝會承受到果種咁重嘅藥物治療嗎?
只要一想到呢點, 我就諗都唔會再諗去參加呢D活動喇!
起初, 我同S嘅交往都只限於網上, 從來無見過面! 後來, 係Y嘅舖裏倒碰過幾次面, 總算係有過面對面交談!
起初, 我同S嘅交往都只限於網上, 從來無見過面! 後來, 係Y嘅舖裏倒碰過幾次面, 總算係有過面對面交談!
 |
| 可愛到暈嘅一對twins |
 |
| 兩個幾月大嘅波波&豆豆 |
 |
| 一系列對我嚟講非常珍貴嘅照片 |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
