 |
| dream car 相片連結 |
努力咗咁耐, 終於都見到成果喇, 我哋每一個都好開心! 自從達達生番毛毛後, 佢心情都跟住有進步, 成日面上都掛住笑容! 我以前都唔相信狗狗係有表情嘅, 理論上佢哋個笑樣都只不過係伸脷仔散熱吧; 但達達生病果輪, 我真係少見佢呢D樣, 成日都繃住口面嘅, 咁唔通果時佢唔駛散熱咩??
佢又再好似以前咁同波波一天到晚玩, 玩, 玩喇, 甚至同隻豆都友好咗好多! 真係太好嘅轉變!!!
 |
| 任何人都會話佢哋天生一對! |
 |
| 唔出街果時, 放佢哋坐窗臺睇下外面都可以坐好耐架! |
豆豆依家好多時都會嚟咗我度住, 佢媽媽見佢喺度有細佬陪伴咁開心, 就由得佢留低啦, 因為佢屋企嘅狗狗同豆B都有個代溝, 係唔太夾啦! 我最明白呢點, 呢個都曾係我嘅經歷, 咁就比豆豆住喺度耐D啦! 佢媽媽有時會嚟家訪, 探下隻豬, 有時就揍佢番屋企住下啦!
好快到咗端午節, 今次過節份外開心, 所以親手包咗幾隻適合狗狗食嘅粽比佢哋, 等我哋一齊過節; 當然, 唔少得影番輯過節相啦!
 |
| 相片連結 |
放低咗件纏繞咗我咁耐嘅心事, 終於有時間諗下其他嘢喇!
依家帶三隻狗狗出去, 用以前架車仔就略為狹逼喇, 主要係佢哋唔可以同時望到街外嘅風光!好多時都只可以兩隻行前而另一隻坐喺後面, 咁後面隻豬出街都無意思啦, 都睇唔到嘢!
我開始上網搵我嘅另類dream car, 哈哈!
終於我搵到唯一的一款完全符合我嘅要求, 不過香港未有發售, 咁我從台灣訂咗番嚟!
有咗呢架車仔, 解決晒所有問題, 以後同佢哋出去, 就唔駛擔心有邊隻豬仔霸唔到頭位而唔開心喇, 真好!!
 |
| 車廂寬趟 |
 |
| 最主要係兩面開蓬, 佢地坐前面後面都睇到外邊! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
