依家嘅狗狗比起以前真係幸福好多, 可能多咗人養狗狗, 連帶起寵物用品都五花八門, 好多選擇!
以前從無諗過狗狗都有嘅狗B車, 依家都有喇; 甚至越出越新款, 越出越多功能!
多咗達達, 每次手抱出街係無可能喇, 還好有呢D狗B車, 咁我就可以輕鬆咁帶佢哋出去,可以行吓公園, 去一D細型嘅屋苑商場!
每一日, 呢兩隻豬仔都帶比我哋新既話題, 新嘅笑料; 好彩有佢哋, 可以沖淡一下心中嘅隱憂!
安安, 樂樂, 精精近來越見少郁動喇, 佢哋大部份時間都係瞓覺!
精精都已經十四歲, 佢有左心臟病後, 都過左五年喇; 最初我地都無諗過佢可以陪左我地咁耐, 上次同佢覆診, 醫生都話佢算好叻喇!
樂樂年前開始行動不便外, 都算無太大問題, 我哋為咗幫佢行起嚟時可以卸力, 地下都鋪上一塊塊嘅地墊, 不過佢都係整日瞓居多!
安安係最叻仔嘅一個, 佢都接近十四歲喇, 但都仲會同兩隻豬仔玩下, 當然精神, 體力都大不如前啦!
喺某個時段 ,我仍會將波波達達同佢哋分隔開, 圍欄內嘅小豬可以繼續嬉戲, 而圍欄外嘅老人家, 又可以不被騷擾咁繼續休息喇!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
