十月尾又到咗萬聖節喇, 又準備同兩隻豬仔影番D萬聖節嘅相, 養咗呢兩隻細豬之後, 自己有咗好多改變, 以前唔會做, 無興趣去做嘅, 依家都改變過嚟!
好似電腦上網, 除左會間中send吓email, 我無興趣去學, 但為咗佢地, 要吸收多D知識, 不得不學!
尤其波波肝有事果輪, 真係狂上網去搵資料! 我唔想再只聽獸醫嘅一面之詞, 我需要多加考証!
又因為有咗佢哋, 會參與一D網站討論, 多咗好些網友, 有乜嘢難題, 大家都無私賜教, 更有部份相識耐咗, 成為朋友!
跟住就係煮嘢, 生平最怕呢樣, 要煮一味好菜真係絕唔簡單, 色, 香, 味缺一不可, 如果費勁去煮一味菜, 而得唔到欣賞, 咁就太叫人灰心吧!
但煮狗食就太簡單喇, 唔需要調味, 只要清楚食材對佢地有益無害, 用最簡單嘅烹調方法就可以喇! 最重要嘅係, 佢地永遠捧場, 一定清碟! 呢個係我願意為佢哋煮一D簡單食物嘅開始, 亦係一個動力讓我繼續煮落去!
不過, 狗食需要營養均衡, 呢個係專門學問, 所以我都係主要餵狗糧, 而每星期只煮兩, 三次, 等佢哋食物有少少變化, 佢哋食得開心, 我又煮得開心!
但煮狗食就太簡單喇, 唔需要調味, 只要清楚食材對佢地有益無害, 用最簡單嘅烹調方法就可以喇! 最重要嘅係, 佢地永遠捧場, 一定清碟! 呢個係我願意為佢哋煮一D簡單食物嘅開始, 亦係一個動力讓我繼續煮落去!
不過, 狗食需要營養均衡, 呢個係專門學問, 所以我都係主要餵狗糧, 而每星期只煮兩, 三次, 等佢哋食物有少少變化, 佢哋食得開心, 我又煮得開心!
再黎就係影相, 以前只有比人影, 點會諗到今時今日我會操刀, 仲自編自導, 佈景道具集於一身!
萬聖節後又到聖誕, 2009年係波波同我哋一齊渡過嘅第四個聖誕, 而達達豬都喺度過佢第二年聖誕喇, 時間真係過得好快啊!
