三隻豬仔若無其事, 好似完全唔察覺屋企少咗個伴!
或者樂樂一向同佢哋都唔親厚啦!
或者樂樂一向同佢哋都唔親厚啦!
其實樂樂已經唔開心咗好多年, 近月心情仲差, 可能佢感覺到自己已經企起身都有困難, 所以佢好憎恨自己雙手吧; 後期常見佢好用力咁咬扯自己對手嘅毛毛, D毛毛都差唔多比佢咬甩晒!
其實佢身體算係唔錯, 但遺憾嘅係佢行動上出咗問題, 加上佢好自閉, 總之叻叻離開咗咁多年, 我就見佢脾氣壞咗咁多年! 我好相信即使動物都有佢好執著嘅一份感情!
依家, 佢應該已經同叻叻喺彩虹橋上相聚, 有佢哋互相扶持, 我都好放心喇!
 |
| 安安, 叻叻, 樂樂, 精精, 祝你地係彩虹橋上生活愉快! |
喺網上睇到有人解說呢一段狗狗嘅因果之說, 從另一個角度去睇呢個"前世今生"嘅問題, 咁希望我所有去世嘅狗狗都已經完成佢哋嘅修行啦!
不過好老實講, 我倒覺得似係我前生對佢哋有虧欠, 今生佢哋嚟到我屋企, 係要我償還比佢哋, 所以我先好似個狗奴才咁, 唯恐對佢哋服侍不週呢!
每一隻動物其實前生都係人,
但因為佢上世做咗壞事，死後就跌落畜生道,
化為三魂七魄，每個魄要變成一隻動物，三魂就要留喺地獄。
每個魄變成嘅動物都要去償還上世曾有負過嘅人或物,
因為佢上世有負於你，所以今世做狗狗返嚟望你原諒佢。
佢要報恩直至完佢今世嘅使命，佢走, 包括病、老、意外都算係完成報恩。
所以每隻狗狗都永遠唔會長命過人，等佢盡快完成回報佢上世對你嘅罪過,
狗狗死後會返去生前搵返三魂，要齊三魂七魄至可以再投胎,
倘若其中一魄未能完成報恩都唔可以投胎，果一魄要再投胎做動物報多次因,
狗狗今世嚟搵你係報上世嘅因, 而今世因得你嘅幫助完成修行已收成正果，
亦代表你原諒佢上一世對你嘅做錯, 你亦幫你自已修成一個功德。
所以佢走咗，你係幫咗狗狗修成正果，亦完上一世嘅因。
大家都無再欠大家喇, 呢個係因果關係!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
