絕育手術

平凡而安靜嘅生活真係令人嚮往, 我真係怕咗果D驚濤駭浪, 終日要擔心佢哋身體出亂子嘅生活!

每日放工後, 假期, 我大都會留在家中, 陪伴佢哋! 只有我哋喺度, 兩組豬仔先可以唔駛分隔.


而經過咗咁耐嘅時間, 佢哋都熟識大家嘅脾氣吧, 所以無風無浪, 真係謝天謝地!

08年帶咗達達番嚟之後, 本想即刻同佢做絕育手術, 因為波波歲幾大時都做咗, 不過有養狗狗嘅朋友勸告我, 達達會唔鍾意呢個屋企, 因為一嚟到就要佢疼痛!

依家佢都嚟咗有一年, 係時候進行手術喇! 手術後當然要分隔開波波, 怕佢會整親達達嘅傷口!

比起波波, 達達術後反應好大, 我哋一向佢伸手, 佢就尖叫, 仲會嚇到賴尿!! 我諗可能佢傷口痛吧, 又可能佢性格較為緊張, 希望佢休養後好快痊瘉啦!

經過我哋萬般呵護, 呢隻敏感豬仔得以再展歡顏; 佢傷口痊瘉後, 又再可以再同波波黏在一起喇!

                                                                                                                                                             

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！