點知佢撐下來, 捱到今天, 反以會係安安先走!
佢生命力咁頑強, 係好事? 壞事?
佢生命力咁頑強, 係好事? 壞事?
 |
| 明顯無晒力! 因為怕傳染開去, 將佢隔離喺房入面 |
09年某個早上, 發覺佢有少少清鼻水, 精神, 大小便, 食慾都正常, 我想可能夜晚開冷氣著涼了, 打電話去睇開嘅醫生想掛號, 但姑娘話醫生放假, 明日先返,咁我就約睇明日, 因為樂樂睇嚟唔係咁嚴重, 多等一日應該無問題.
點知到咗深夜, 佢嘅情況就好唔同, 佢好不安咁兩頭轉, 我覺得佢一定有唔妥, 探熱下燒到104度, 立刻帶佢去夜診.(另一診所) 去到見醫生, 我想佢先同樂樂退燒, 點知佢探完熱竟然話佢無燒, 仲話懷疑佢胰臟, 腎臟, 肝臟有問題, 要驗血詳細研究.
天啊! 佢無任何其他病徵, 無嘔無疴, 又肯食嘢!
咁我話我會去番自己醫生度跟進, 叫佢比退燒藥我,
如果樂樂再有燒可以頂住到天光.
點知佢唔肯比退燒藥, 凈係比咗隻抗生素; 番到屋企, 樂樂好似仲辛苦, 要舟車勞頓, 仲燒到105.4度
我唯有上網睇吓有乜嘢方法可以幫佢降溫, 結果係通宵幫佢用火酒加水抹腳枕同個肚仔, 捱到天光, 診所未開門就抱佢去霸頭位, 等住睇第一個.
自己嘅醫生話佢係上呼吸道感染, 比咗退燒藥同另一種抗生素, 佢食咗一次就退燒喇!
如果個通宵醫生肯比退燒藥, 樂樂同我都唔駛咁辛苦捱足一晚通宵啦, 點解D24小時診所總係好似睇准我哋緊張狗狗, 而捉住我哋呢個弱點, 無論有無需要, 都要我地大洒金錢呢? 究竟有無一D真心為小動物著想, 真心想幫我哋嘅呢? 真係好唔開心!
 |
| 食完藥可以有力企番起身喇! |
食完一星期嘅藥, 帶佢番去覆診, 因為佢都差不多夠期驗血, 我主動要求醫生同佢提早進行!
X-RAY同聽診得出嚟嘅報告: 佢心, 肺功能尚算OK, 今次心無雜聲, 但正如醫生所講, 佢年紀咁大, 心臟係比較弱, 但現階段都無需開始食心臟藥.
驗血報告就顯示佢肝, 腎指數偏高, 醫生話雖然佢某個腎讀數係高, 但creatinne呢個讀數就正常,
咁佢排毒係無問題, 而另一讀數高最大可能性係佢年老,
血液循環唔好而影晌, 咁無嘢可以做亦唔駛太擔心住.
肝酵數高嘅問題, 就拎左一星期藥, 買左肝臟醫生糧,
下次覆診再驗血, 睇下結果係點!
醫生再強調佢年紀老, 頸椎退化引至佢前肢無力,
係食藥, 食補充品對佢都幫助唔大嘅, 想起佢年輕時
追住個波玩嘅情景, 到依家舉步為艱, 就覺心酸!
驗血報告就顯示佢肝, 腎指數偏高, 醫生話雖然佢某個腎讀數係高, 但creatinne呢個讀數就正常,
咁佢排毒係無問題, 而另一讀數高最大可能性係佢年老,
血液循環唔好而影晌, 咁無嘢可以做亦唔駛太擔心住.
肝酵數高嘅問題, 就拎左一星期藥, 買左肝臟醫生糧,
下次覆診再驗血, 睇下結果係點!
醫生再強調佢年紀老, 頸椎退化引至佢前肢無力,
係食藥, 食補充品對佢都幫助唔大嘅, 想起佢年輕時
追住個波玩嘅情景, 到依家舉步為艱, 就覺心酸!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
