近月來, 樂樂身體越嚟越差, 之前佢仲可以好自如咁去廁所, 但最近, 佢好似連呢個能力都失去!
見到佢每次便便, 爬去廁所嘅尿墊都好似要耗盡全力, 就想幫吓佢, 試過將尿墊移近佢身邊, 但咁佢又反而唔去!
佢係一隻淑女型嘅狗狗, 以往佢要去便便, 都一定等我哋離開先, 佢好注重私隱; 但今時今日, 好多嘢佢都再無能為力!
好多時我哋見佢有所行動, 我哋會立刻幫佢一把, 將佢抱入廁所, 但每次佢都發脾氣, 大聲尖叫, 我諗佢係想靠自己, 唔開心連咁私'人'嘅嘢都要靠人啦!
但最近, 佢已經放棄咗掙扎!
即使佢幾費力咁要爬入廁所, 奈何未到達目的地就已經失禁忍唔住, 好幾次都攪到肚仔濕晒; 每次我抱起幫佢清潔, 佢都好似惱羞成怒想咬人!
其實我明白, 佢係恨自己再唔可以支配自己嘅生活, 佢唔甘心! 一隻極愛清潔嘅狗狗, 去到如斯田地, 我諗佢極度難受!
好多時我哋見佢有所行動, 我哋會立刻幫佢一把, 將佢抱入廁所, 但每次佢都發脾氣, 大聲尖叫, 我諗佢係想靠自己, 唔開心連咁私'人'嘅嘢都要靠人啦!
但最近, 佢已經放棄咗掙扎!
即使佢幾費力咁要爬入廁所, 奈何未到達目的地就已經失禁忍唔住, 好幾次都攪到肚仔濕晒; 每次我抱起幫佢清潔, 佢都好似惱羞成怒想咬人!
其實我明白, 佢係恨自己再唔可以支配自己嘅生活, 佢唔甘心! 一隻極愛清潔嘅狗狗, 去到如斯田地, 我諗佢極度難受!
依家每次佢要便便, 就會大叫, 我地會抱佢去片片, 等佢方便完, 佢又會大叫, 咁我地又抱番佢出嚟! 呢個動作係不分晝夜, 所以, 每晚我都要半夜起身幾次!
琴日開始, 佢連胃口都開始轉差喇, 我已經將乾糧全換上罐頭, 但佢都無太大興趣, 我只好比佢少食多餐, 真係好多餐, 因為佢食極少, 我會分七, 八次咁比佢食, 但我心裏明白, 嗰個日子又再近D!
如果, 佢可以安安樂樂咁離去, 呢個算係佢嘅解脫, 雖然相處咗15年多, 心裏係好不捨, 但我更加唔想佢過D咁痛苦嘅生活!睇住佢, 心裏百般滋味; 花開, 凋零, 落下, 邊個有能力扭轉宿命!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
