養多咗呢兩隻豬仔之後, 愆生出我多咗新嘅興趣, 其中最沉迷嘅就係影相喇! 發明數碼相機真係偉大, 可以比我呢D完全唔識攝影技巧嘅人都可以影低每一個珍貴嘅時刻!
只要我將相機set咗去auto, 然後對住佢哋猛按鈕就ok喇! 當然同專業人仕果D咁嚴格嘅要求, 要講求燈光, 構圖等等, 等等係相差十萬八千里, 但最少我可以留低佢哋嘅生活片斷!
佢哋嘅一生只係得十幾年, 我希望藉住呢D相片, 可以喺腦裏面時常歷久常新, 唔會因為時日嘅過去, 而將佢哋淡忘!
好快又到復活節喇, 我幫佢地set咗簡單嘅道具背景, 同兩隻豬影左D相; 出嚟嘅效果我自己就覺得好滿意喇, 朋友都鼓勵我去搵多D題材, 家人亦支持我呢個新嘅喜好!
之後,有時間我就會同兩隻豬仔影吓相, 留低佢哋一生裏最燦爛嘅時光!
喺平淡嘅生活裏面, 我為自己加上咗少少色彩!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
