送比樂樂嘅彩虹球 (樂樂篇)

爸爸親手為樂樂做嘅彩虹球,手工粗糙,但載滿濃濃嘅愛

年輕時嘅樂樂好鍾意玩波, 自從佢行動不便後, 佢已經無能力再追住個波跑喇; 喺佢面前, 我甚至唔敢比佢睇到個波!


昨日佢離開咗屋企後, 我就諗起要買個波比佢, 等佢喺彩虹橋又可以自由自在咁, 喺草原上追住個波, 自由奔放咁跑個痛快!
我記起叻叻離開嘅時侯, 我帶比佢嘅野, 有唔可以入爐嘅, 所以, 今次我希望可以搵到一D物料, 係可以比樂樂帶住喺身邊!

昨日搵咗好多店舖, 有寵物店, 嬰兒用品店, 玩具店, 文具店等, 但都搵唔到我要嘅物料, 我希望可以搵到毛巾布果類質地, 但好失望一個都見唔到!

今日, 再去玩具反斗城, 橫街小巷嘅小店, 一樣係失望而回!

我真係好希望可以送比樂樂女一個波波, 我可以點呢!
時間又逼近, 我去邊度可以搵到, 又趕得及明日帶比樂樂呢?

突然老公同我講, 等佢做一個比樂樂啦, 用紙做一個彩虹波波, 比樂樂帶住去彩虹橋吧!
好感動老公會提出呢個建議, 雖然佢手工好粗糙, 但希望樂樂會感受到, 爸爸媽媽對佢嘅愛, 帶住呢個彩虹波波愉快咁上路!

制作過程

已經再搵唔到十多年前買比佢既彩虹球喇,
希望樂樂會鍾意爸爸為佢做嘅呢個啦!

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！