牙石粉 - Plaque Off

自己好怕見牙醫, 一坐落去果張椅, 真係有坐電椅受死嘅感覺, 但又唔可以唔做牙齒保健, 如果唔係好快變無牙婆!  book 咗下星期去洗牙, 就諗起D豬仔嘅牙齒!

同樣地, 狗狗都需要牙齒保健; 如果唔進行牙齒護理, 狗狗牙齒周圍會造成細菌繁殖, 傷害唔會單係牙齒, 嚴重嘅時候, 會損害到狗狗嘅心臟功能, 腎功能, 血栓塞等等整個健康系統.

雖然狗狗失去牙齒仍可進食, 但一口堅固嘅牙齒可以比狗狗輕鬆咁食嘢, 如果牙齒發病, 就連食慾都無埋,  咁自然吸收唔到足夠嘅營養;  所以講到底, 我哋都係要定時幫狗狗清潔牙齒先得.

好多狗友會比生骨狗狗咬, 佢哋話呢個係最好, 最有效除牙石嘅方法; 但我自己對生嘢真係怕怕哋, 所以我寧願選擇同佢哋刷牙!  不過呢幾隻豬仔都好唔合作, 成日左閃右避, 好多時我都好似比佢地舔牙膏, 多過似刷牙!

當然最徹底除去牙石嘅方法係去獸醫診所洗牙啦, 但我最憂慮嘅係, 洗牙要全身麻醉!
我總係好擔心麻醉會出意外, 又會覺得對身體唔好, 唔係去到必要就盡量拖遲, 所以會特別留心有乜嘢安全有效嘅產品可以幫到忙.

最近見到一隻去牙石粉, 佢嘅介紹好似幾安全, 幾好!  我問過獸醫佢話可以試吓, 不過呢隻產品有注明甲亢狗狗唔可以用, 咁我三隻豬仔都係甲減, 可能仲會有多一個效果!

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！

聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。  望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！