昆布豆腐魚肉丸伴飯 (附豬仔為食相)

今日整呢個餸比班豬仔食, 我加上昆布!

因為昆布含碘質豐富, 對有甲狀腺素低下症有一定幫助, 所以我都會定時加比班豬仔食嘅, 相反甲亢就不宜食用喇!

其實我地都應該多食海藻類食物, 因為身體血液呈現酸性對健康會帶來一定危害, 經常食D昆布對於調整血液酸鹼度、增強體質、預防癌症係有一定嘅作用。

材料:

龍利魚: 含有不飽和脂肪酸, omega 3 及DHA, 能抑制眼晴裏的自由基, 防止新血管的形成, 降低晶體發炎的機會. 更能鞏固細胞膜，有助肌肉和骨骼的健康，增強身體免疫力，有抗癌功效及能降低體內壞膽固醇的數量.

嫩豆腐: 含豐富鈣質, 對患上呼吸道感染及長期關節炎的狗狗尤其有益, 因為豆腐中的蛋白質特別容易給分解和吸收.  給狗狗餵食最好選用嫩豆腐, 因含較少石膏粉; 大型犬每次餵大約兩湯匙, 而小型犬則約兩茶匙, 一星期最多一至兩次

昆布: 含有大量的維他命A和D對於防止血液酸化很有效, 其含碘量甚高，能預防和治療甲狀腺腫大、含鐵量高, 是缺鐵性貧血患者的極好食品。昆布中的鈣、磷、鐵, 蛋白質等含量亦很豐富。

多食昆布對機能減退症及高血脂症、皮膚病、淋巴腺病、狀腺血管硬化症等,有一定的效用。

做法: 將魚肉, 嫩豆腐一同攪碎, 用小匙羹做成丸狀, 每個小丸子上放上青豆. 隔水蒸15分鐘, 即食昆布用熱水泡開即可.今次我洒上少許黑芝麻粉, 等味道更香, 伴同紅白米飯放涼便可餵食喇!