 |
兩隻豬仔果日都不在狀態, 影得好醜樣!
|
2010年8月, 我第一次帶波波去參加聚會! 呢個只係S攪嘅一個小型聚會, 只有少於十個會員參加; 係去一間studio影沙龍照; 因為地點就近, 而又喺室內, 我就唔怕草地有虱, 牛蜱啦!
呢一次聚會氣氛融恰, 網友們都好友善, 我感覺良好! 之後喺月尾再去咗一次,嗰次S帶咗紅豆去! 波波三個月大同姐姐分別後, 呢次係佢哋第一次見面!
佢哋好似知道對方有親屬關係咁,相處得唔錯; 有話野外嘅動物係靠嗅覺去辨認自己嘅親屬, 佢哋分別咗咁耐之後, 係咪仍然有呢個本能呢?
再過幾日, 就係波波四歲生日喇, 我好想佢哋兩姐弟可以一齊慶祝生日, 咁影完相之後, S就叫我帶豆B番去!
隻豆嚟咗我度住, 一D都無唔習慣, 仲好開心添, 可能佢依家有同齡同伴陪佢玩啦, 不過達達就同佢唔係好夾喇, 可能佢覺得分薄咗同波波玩嘅時間啦!
好快就到咗佢地嘅生日party喇, 一如以往, 我都係巴巴閉閉咁張羅佢哋嘅食物呀, 佈置影相場地等, 不過影嘅相出嚟效果氣氛唔錯, 就係咁我就越影越多喇!
而每年佢哋生日, 都係一個特別嘅日子, 好似一個特備節目, 比我哋一家人去分享, 去分工合作做好呢件事!
 |
| 相片連結 4th Birthday Party |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
