 |
| 相片連結 |
又快到農曆兔年喇, 今年多咗個特備節目, 就係搜羅D靚衫仔比達達豬! 既然唔可以控制佢毛毛生長, 咁就拚住阿Q精神, 同自己講, 以後達達可以時裝表演啦! 今年要影多D相, 下一年都唔知佢係點樣喇!
過咗年帶佢番去覆診, 今次Hsiang醫生都認為佢情況越嚟越差喇, 雖然佢甲狀腺受到控制, 但毛髮生長極差. 咁有兩個方案可選:
1) 係用一隻正統嘅處方藥, 但呢隻藥對肝腎傷害頗大, 2) 係試用'褪黑激素', 呢隻唔係一種正規比狗用嘅藥, 係一隻草本, 但好多國家都有用嚟治療呢個脫毛症, 不過成效無保証, 大概只有30%左右嘅狗狗有良好反應; 好處係佢對身體無害! 不過呢隻藥成效好慢, 試三個月, 無幫助就得放棄! 我當然唔會因為要佢生毛而不顧佢身體健康, 但如果可以有方法又唔傷身嘅, 咁又不防一試!
Link of Alpoecia X
 |
| 同從前相比, 差別太大喇 |
食左一個月藥, 全無反應! 毛髮更見疏落! 佢嘅情緒病又日益嚴重; 我日日學按摩同佢舒緩情緒又無幫助, 我好氣餒, 好想放棄! 但過後又再抖起精神,作深呼吸, 同自己講, 我要堅持落去!
 |
| 面仔少咗毛毛, 顯得好瘦削 |
有朋友嘅貓貓有情緒病, 獸醫診所嘅姑娘叫佢試花藥治療, 佢覺得有效, 叫我可以一試; 徵詢過H醫生後, 我同佢加上咗花藥治療!
我再係網上搵到一隻沖涼用品, 對呢個症係有幫助嘅; 香港未有發售, 又從美國訂購番來, 我唔甘心就咁放棄!!
慶幸依家有internet, 可以做好多資料搜集, 好多產品又可以shipped worldwide, 希望加上咁多人力物力, 達達會有好轉啦!行到呢步, 只可以盡人事, 聽天命喇!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
